«Дені саудың - жаны сау»

Р.Мырзашев атындағы №76 негізгі орта мектебінде саналы ғұмырын ұстаздық жолына арнаған, еліміздің дамуына, өсіп - өркендеуіне  өлшеусіз үлес қосқан ұлағатты ұстаз Истыкулов Талғат Омарұлын  еске алуға арналған «Дені саудың - жаны сау» тақырыбында мектепаралық спорттық жарыс өткізілді. Жарыс  волейболдан және футболдан, яғни спорттың екі түрінен ұйымдастырылды.Жарысқа жалпы көршілес алты мектеп қатысты. Жарыстың ашылуында мектеп директоры  Әбдіхалық Жақсылықұлы сөз сөйлеп, Истыкулов Талғат Омарұлы ағайдың өмірбаянымен таныстырып өтті. Мектебіміздің қонақжайлылығын көрсете отырып келген қонақтарға дастарханнан дәм татқызылды. Футболдан Туреев Нурдилла, волейболдан Қудайбергенов Мурат төрешілік жасады. Жарыстың жабылу салтанатында Тажен Әбдіхалық Жақсылықұлы жеңіске жеткен командаларды және үздік ойыншыларды кубок және мақтау қағаздарымен марапаттап естелікке суретке түсті. Келген қонақтарға сөз берілді.Жарыстың жоғары деңгейде өткендігін айтып алғыстарын білдіріп жатты.