«Үздік BOOKTRAILER-2»

Шымкент қаласы, білім басқармасына қарасты Р.Мырзашев атындағы №76 негізгі орта мектебінде мектеп  кітапханашыларының ұйымдастыруымен «Оқуға құштар мектеп» жобасы аясында педагогтердің оқу мәдениеттілігін арттыру бағыты бойынша  мектеп мұғалімдер арасында «Үздік BOOKTRAILER-2» байқауының қорытынды марапаттау кеші өтті. Кеш барысында қатысушылардың буктрейлері көрсетіліп, әріптестердің қатысуы мен «Жүйрік ой» , «Ойлан.Тап» сергіту ойындары жүргізілді. Қатысушылар әлеуметтік желіге салынған бейне материалдары арқылы дауыс жинады. Дауыс беру нәтижесі бойынша  математика пәнінің мұғалімі Раушан Ахатқызы  І орын иеленсе, ІІ орын тарих және география пәнінің мұғалімі Айбаршын Азимханқызына, ІІІ орын информатика пәнінің мұғалімі Күлсінай Мелдебекқызына бұйырды.