"Бірлігіміз жарасқан - достығымыз ұласқан"

"Бірлігіміз жарасқан - достығымыз ұласқан" мәдени бұқаралық іс-шаралар тақырыбы  аясында Р. Мырзашев атындағы №76 негізгі орта мектебінің педагог ұйымдастырушысы Жамал Шекер Сәрсенбекқызы, Өзбек мәдени орталығының төрағасы Икрам Акрамұлы Хашимжанов мырзамен «Достығымыз ұласқан» тақырып аясында 7 "в" - сынып оқушысы Көпжасар Гүлзирамен бірге сұхбат алып қайтты. Сұхбат барысында  барлық ұлт өкілдерімен тіл табысып, бейбітшілік пен келісімде өмір сүру қағидаты туралы айтылды. Сонымен қатар Икрам Акрамұлы Хашимжанов қазақ халқына, тіліне, салт-дәстүріне құрмет көрсетуге басқа  ұлт өкілдерінде шақырды. Жастар мемлекеттік тілдің мәртебесін көтеруге  міндетті екені айтылды.  Бір шаңырақ астында қазақ елімен қоян-қолтық араласып, мемлекетіміздің тұғыры биіктеуіне үлес қосатыны жөнінде айтып өтті. Үкілеген үміттеріміз жастарға, жастардың тәрбиесіне көңіл бөлуге ұстаздар қауымын шақырды. Сонымен қатар Өзбек мәдени орталығының кітапхана қорынан «Қазақ, өзбек мәдениетіне 25 жыл» және «Көңіл толқындары» авторлық кітаптарын мектеп кітапханасына сыйға тартты. 

 Икрам Акрамұлы мектеп ұжымының жұмыстарына сәттілік тілеп, қиын қыстау заманда бірге болуға шақырды.  

Бізде Икрам Акрамұлы Хашимжанов мырзаның жұмыстарына сәттілік тілеп, сұхбат бергеніне алғысымызды айтамыз.